Нарадзіўся ў 1984 годзе ў Мінску. Скончыў БДПУ імя Максіма Танка па спецыяльнасці “Гісторыя і замежная мова”. Навучаўся ў Беларускім калегіюме на аддзяленні “Філасофія і літаратура”. Пасля службы ў войску з 2008 года працуе ў Літаратурным музеі Максіма Багдановіча. Аўтар навуковых і крытычных публікацый, кніжных аглядаў. Укладальнік біяграфічнага выдання “ЖЗЛБ. Максім Багдановіч” (2021).
Аўтар кніг паэзіі “Volumen.1” (2016) і “Volumen.2” (2020). Лаўрэат прэміі “Дэбют” імя Максіма Багдановіча за лепшую дэбютную кнігу (2017), пераможца Літаратурнага конкурса “Экслібрыс” (2019).
Часам выступае як музыка і аўтар песняў. Папулярызатар беларускай паэзіі, творчасці Максіма Багдановіча, Уладзіміра Караткевіча, на словы якіх разам з гуртом “Нельга забыць” запісаў адмысловыя канцэртныя праграмы. Арганізатар літаратурна-музычных мерапрыемстваў.
Міхал Бараноўскі ў часопісе “TAŬBIN”: