Максым “Далі” Крыўцоў
(1990–2024)
Паэт, фатограф, кулямётчык, Герой Украіны.
Нарадзіўся 22 студзеня 1990 года ў горадзе Рыўнэ.
У 2014 годзе скончыў Кіеўскі нацыянальны ўніверсітэт тэхналогій і дызайну, дзе вывучаў праектаванне абутку і скураных вырабаў.
Удзельнік Рэвалюцыі Годнасці. З 2014 года — добраахвотнік на фронце. Пасля дэмабілізацыі ў 2019 годзе працаваў у ветэранскіх арганізацыях, навучаў дзяцей фатаграфіі ў летніку “Стракатыя яноты”. З пачаткам поўнамаштабнага расейскага ўварвання ў 2022 годзе зноў уступіў у шэрагі Узброеных сіл Украіны.
Пісаў вершы з падлеткавага ўзросту. Выдаваўся ў калектыўных зборніках “Книга Love 2.0. Любов і війна”, “Там, де вдома: 112 віршів про любов та війну”, “Колискова 21-го століття Vol. 1: що тебе заколисує?”.
У снежні 2023 года выдаў уласны зборнік вершаў “Вірші з бійниці”, які быў прызнаны адной з найлепшых украінскіх кніг 2023 года паводле ўкраінскага ПЭНа.
Вершы Крыўцова перакладаліся на літоўскую, новагрэчаскую, польскую, балгарскую, партугальскую, французскую, англійскую мовы.
Яго вершы паклалі на музыку гурты Yurcash, Adm:t, сьпявачка Vivienne Mort.
Загінуў на фронце 7 студзеня 2024 года.
22 жніўня 2025 года Максыму Крыўцову прысвоена званне Героя Украіны з уручэннем ордэна “Залатая Зорка” (пасмяротна).
Публікацыі Максыма Крыўцова ў часопісе “TAŬBIN”: