The window gaped like an open mouth

***

Пахне Прынсам у двары
Ён пранікае ў мой пакой
Вакно – як адкрыты рот
Сабакі выгульваюцца самі па сабе
Звонку
Адзін кажа: ну давай
І сабакі абнюхваюцца
І сцуць
Проста на гравій
Яшчэ, і яшчэ
Гук металу б’ецца аб драўляную браму
Калі мама сыходзіць і вяртаецца
Хруст гравію
У калідоры
Я трымаю зрокавы кантакт
са жменяй лістоты
Пакуль не засну
Стук-стук
У сценку да брата
Гэта я кажу – дабранач

пераклад з нарвежскай Сяргея Календы


***

маці 
кліча мяне 
я падбягаю і 
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!! важкі пластыкавы пакет
з джынсамі 
спрэс мокрымі ад сцулёў 
у садзе 
струны флагштока б’юцца ў слуп
як матчын язык аб пярэдні зуб
плюючы мне ў твар 
я не наважваюся выцерці


***

крона дрэва сочыць 
за мной на ложку
кажуць што ноч але ў небе светла 
гляджу на перакручаныя галінкі
спрабую знайсці новыя твары
ў паглыбленнях  
я кручуся і варочаюся
заплятаю валасы на падушцы
каб нішто не чапала шыю 
вяду ўказальным пальцам уздоўж сцяны
у братавы пакой 
шпалеры пупырацца бо там знутры застаецца паветра 
пстрыкаю іх трохі і
гляджу Cartoon Network без гуку мне сумна 
расчэсваю каленку ды іншыя драпінкі
дзверы ў нашых пакоях заўсёды адчыненыя 
я заўсёды бачу крону хм
факусую вока  на галінцы 
што выбухнула вонкі  
як кілбаска на гарачай патэльні
я думаю пра тое, 
калі братава падпаха 
праткнулася яблыняй
рука 
яны сказалі 
каб яшчэ міліметр 
ён бы згубіў руку

пераклад з нарвежскай Вікці Ўдовінай