Ты плачаш

З кнігі “Ты плачаш”
 
***
ты смуткуеш
бо баішся што зрабіла нешта дурное
ты баішся што зрабіла нешта
чаго не вернеш


***
але ж ты ведаеш што яна маладая
і ўсё ж табе смутна
да смерці смутна
хто яшчэ так умеў усміхацца


***
ты плачаш
плачаш і плачаш
і забываеш чаму ты плачаш
гэта сум які не выльеш


***
ты абяцала што навучыш яе ўсяму
абяцала што станеш яе школай
але хацела яе адно для сябе
ты хацела хоць раз
адчуць бяспеку


***
ты хацела б спытаць ейных былых
усіх да адной
як магчыма кахаць і кахаць і кахаць некага
настолькі падступнага


***
ты хацела б спытаць, хоць адказ вядомы
ўвага
якой яна надзяляе
не з гэтага свету


***
вярніся і знішчы маё жыццё
ты крычала на сходах ёй услед


***
ты ведала яна бедства
дык ці можа яна вызначаць твае маршруты
ва ўласным горадзе


***
але ты разбітая
якім чынам ты маеш
трымацца


***
слёзы належаць табе калі збярэш іх у місу
але не